ڕوشیل جونیور

 

سوەیدا- سەرەڕای بارودۆخی سەختی کەشوهەوا و باران بارین، خۆپیشاندەران لە شاری سوەیدای سووریا ڕۆیشتن بۆ گۆڕەپانی ئەلکەرەمە بۆ داواکردنی گۆڕانکاری سیاسی و ئازادی و جێبەجێکردنی بڕیاری ٢٢٥٤ی نەتەوە یەکگرتووەکان.

 

ڕۆژی هەینی ٢٦ی کانوونی دووەم، ژنان لە گۆڕەپانی کەرامەت گۆرانییەکی بەناوبانگ و شۆڕشگێڕانەیان دەوت کە ئاڵایان هەڵگرتبوو و داواکارییەکانیان دەربڕی مونا عەبدوڵا، یەکێک لە بەشداربووانی خۆپیشاندانەکە  وتی: ژنان لە کۆمەڵگەدا مافی خۆیان وەرنەگرتووە، لە هەموو لایەنەکانی ژیان پەراوێزخراون.

 

سەبارەت بە بۆردوومانکردنی گوندە سنورییەکانی ئوردن لە گوندی سوەیدا، ئاماژەی بەوەدا، بۆردومانەکە چارەسەر نییە چونکە هەموو گروپەکان دەکاتە ئامانج و ئەوانەی زۆرترین زیانیان بەرکەوتووە ژن و منداڵن، وتیشی: ڕژێمی سووریا چارەسەرێک قبوڵ ناکات بۆ کێشەی ماددە هۆشبەرەکان چونکە گەورەترین سوودمەندە لێی.

 

"چاوەڕێی چی لە حکومەتی گەندەڵ دەکەن؟"

مونا عەبدوڵا پەیامێکی بۆ هەموو ژنان نارد بۆ ئەوەی بێدەنگییەکانیان بشکێنن و مافی خۆیان وەربگرن، داوای لە ژنان کرد لەماڵ بچنە دەرەوە بۆ ئەوەی داوای ئازادی بکەن، بەتایبەتی ئەوانەی منداڵەکانیان ڕۆیشتوون، وتیشی: چاوەڕێی چی لە حکومەتی گەندەڵ دەکەن؟.

 

لەمیس مولحیم وتی: سەرەڕای نەخۆشی و کەشێکی سارد، بەردەوام دەبین لە مەیدانەکەدا، دژی ڕژێمی گەندەڵین خەڵکی سووریا پێویستیان بە ئازادی هەیە.

 

سەبارەت بە بۆردوومانکردنی گوندە سنورییەکانی ئوردن، ئاماژەی بەوەدا تاوانبارەکە ناسراوە و کۆمەڵگەی نێودەوڵەتی دەزانێت کە ڕژێم بەرپرسیارە لە ئامادەکردنی کارگەکانی کاپتاگۆن و ئاسانکردنی پرۆسەی قاچاخی ماددە هۆشبەرەکان، حکومەتی شام پابەند نابێت بە هیچ ڕێککەوتنێک لەسەر بەرەنگاربوونەوەی ماددە هۆشبەرەکان.

 

لە لایەکی دیکەوە، سەرا فەهد وتی: سەرما ڕێگری ناکات لە خۆپیشاندان دژی حکومەتی شام، ڕژێم هەوڵدەدات سوەیدا تێکبشکێنێت بۆ لاوازکردنی بزووتنەوەکەمان، بەڵام ناتوانێت ئێمە بوەستێنێت چونکە یەک دەستین دژی ڕژێم.