سۆرگوڵ شێخۆ

 

حەسەکە- هێرشەکانی دەوڵەتی تورک بۆ سەر ناوچەی زرگان لە کانتۆنی جزیرە لە باکوور و ڕۆژهەڵاتی سووریا چووە ساڵی پێنجەمەوە، لە زرگان، لە ئەنجامی بۆردومانەکانی دەوڵەتی داگیرکەری تورکیا، شارەوانی گەل، ئەنجومەنی ناوچەکە، باخچەی منداڵان و قوتابخانەکان ئێستا لە خزمەتگوزاری وەستاون و وێرانکراون، شیرین میۆ،هاوسەرۆکی شارەوانی گەل، ئەسما سیل، هاوسەرۆکی ئەنجومەنی ناوچەکە، باسی ئەو خزمەتگوزاریانەیان کرد کە سەرەڕای هێرش پێشکەش بە هاوڵاتیان کرا.

 

شیرین میۆ لەبارەی هێرشەکانی دەوڵەتی تورکیا و زیانەکانی وتی: هێرشەکان نەک تەنها زیان بە خەڵکی مەدەنی دەگەیەنن، بەڵکو زیان بە کارەکانمان دەگەیەنێت کە خزمەتی کۆمەڵگە دەکات، خەڵکی مەدەنی و خەڵکی ناوچەکە و گوندنشینەکانی کە لە شوێنەکانیان ماونەتەوە، هەوڵ دەدەین خزمەتی باشیان بکەین، ئەو کەسانەی بەهۆی هێرشەکانەوە کۆچ دەکەن دەگەڕێنەوە گوندەکەیان و بەردەوامن لە بەرخۆدان دژی داگیرکەران، هێرشەکانی دەوڵەتی تورک ڕێگرن لە جێبەجێکردنی پرۆژە خزمەتگوزاریەکان.

 

"ژێرخانی زرگان زیانی گەورەی بەرکەوتووە"

شیرین میۆ ئاماژەی بەوەکرد دەوڵەتی تورکیا ژێرخانی زرگانی کردووەتە ئامانج و وتی: ناوچەکان و گوندەکانی زرگان لە شەودا لە تاریکیدان و لەلایەن داگیرکەرانەوە زیانیان بەرکەوتووە، ئێستا گەل بێ ئاو و کارەبان، سەرەڕای چەندین هێرش، گەل سوورن لەسەر بەردەوامبوون لە بەرخۆدان و دەستبەرداری خاکەکەیان نابن، سەرەڕای هێرشەکان، توانیمان ٨٠%ی پرۆژەکانی چاککردنەوەی ڕێگاکانمان تەواو بکەین و تا ڕادەیەکی باش بتوانین بگەینە گەل، هێرش هەیە بەڵام وەک شارەوانی بەردەوام دەبین لە خەبات.

 

وتیشی: لەگەڵ هێرشەکاندا کێشە ئابوورییەکان سەرهەڵدەدەن، دەوڵەتی تورکیا بە بڕینی ئاو و کارەبا دەیەوێت ئەو کەسانە کۆچ پێبکات کە لێرە ماونەتەوە، خەڵک هەموو ناکۆکییەکانیان دەزانن و بەو ئاگادارییەوە سووربوون لەسەر مانەوە لەسەر خاکەکەیان، دەوڵەتی تورکیا دەبێت دادگایی بکرێت لەسەر ئەو تاوانانەی ئەنجامی دەدات، دەوڵەتی تورکیا، کە ستراتیژی هێرشەکانی بۆ سەر هەرێمەکانمان گۆڕیوە و ئابووری ناوچەکەی زیاتر زیانی پێگەیشتووە، لێرەیە و هەوڵدەدات کۆچ بکات و گەل تێکبشکێنێت، بەڵام گەلەکەمان ئاگاداری ئەو سیاسەتانەیە.

 

"گەل خۆیان بە نەتەوەیەکی دیموکراتیک سپاردووە"

ئەسما سیل ئاماژەی بەوەکرد، دەوڵەتی تورک دەیەوێت دیموگرافیای ناوچەکە بگۆڕێت و وتی: ئامانجی هێرشەکان کۆچ کردن و گۆڕینی دیمۆگرافیای ناوچەکەیە، لێرەدا شۆڕشگێڕێکی زۆر هەیە، زۆرێکیان بەرخۆدانیان کردووە و بەرەنگاری چەندین کێشە بوونەتەوە، ئەو کەسانەی کە ڕۆژانە ڕووبەڕووی گیان لەدەستدان دەبنەوە بەرخۆدانێکی گەورە بۆ ژیان دەکەن، هەمیشە پشتیوانی خۆمان بۆ گەل نیشان دەدەین و پەروەردەیان پێدەدەین، گەلەکەمان، کە لەسەر بنەمای سیستمی نەتەوەیەکی دیموکراتیک دامەزراوە، یەکێتی گەلان بەبێ جیاکاری پەرەپێدەدەن و لەسەر بنەمای پاراستنی گەل دامەزراون.

 

ئەسما سیل لە کۆتایی قسەکانیدا وتی: داوا لە کۆمەڵگەی نێودەوڵەتی دەکەین هەوڵ بدەن هێرشەکانی دەوڵەتی تورکیا ڕابگرن کە خەڵکی مەدەنی و هەرێمەکانمان دەکاتە ئامانج و تاوانی جەنگ و پێشێلکاری ئەنجام دەدەن و هەڵوێست لە دژی بگرنەبەر. ئێستا دەبێت ئەم بێدەنگییە نێودەوڵەتییە بشکێندرێت.