ناوەندی هەواڵ

 

بە نزیکبوونەوە لە ٨ی ئادار ڕۆژی جیهانی تێکۆشانی ژنان، ڕێکخراوی لێبوردنی نێودەوڵەتی ڕۆژی چوارشەممە ٦ی ئادار بەیاننامەیەکی سەبارەت بە فشارەکانی سەر ژنانی ڕۆژهەڵاتی کوردستان و ئێران بڵاوکردەوە و تیایدا جەخت لە بەردەوامی و زیادبوونی توندوتیژی دژ بە ژنان و دروستکردنی ڕێگای نوێی فشار و چەکداری کراوەتەوە بۆ سەپاندنی حیجاب بەسەر ژناندا لە ڕێگەی سەپاندنی یاسای بەزۆرکردنی حیجاب و چاودێریکردنی بەربڵاوی ژنان لە شوێنە گشتییەکان و دەستگیرکردنی شۆفێرە ژنەکان بەتایبەتی دوای ڕاپەڕینی گەل لە وڵاتەکەدا.

 

لە بەیاننامەکەدا ئاماژە بەوە کراوە کە دەسەڵاتدارانی ئێران ژنانیان دەستگیرکردووە، زیندانیان کردوون، سەرکوتیان کردوون.

 

ڕێکخراوی لێبووردنی نێودەوڵەتی ئەم بەیاننامەیەی بڵاوکردەوە بە شایەتی ٤٦ کەس، لەنێویاندا ٤٢ ژن و چوار پیاو کە دەستگیرکراون، دادگاییکراون و بە قامچی سزادراون.

 

ڕێکخراوەکە زیادبوونی دڕندایەتی و توندوتیژی و سەرکوتکردنی دژ بە ژنان لە ڕۆژهەڵاتی کوردستان و ئێران شەرمەزار کرد و جەختی لەوە کردەوە کە چەندین شایەتی و بەڵگەنامەی بەدەست هێناوە کە نیشانی دەدات کە ژمارەیەکی زۆر لە دەزگاکانی حکومەت تێوەگلاون لە هەراسانکردن و سەرکوتکردنی ژنان تەنها لەبەر ئەوەی مافەکانیان بۆ  جەستەیی و ئازادی ڕادەربڕین و بیروڕا بەکاردەهێنن.

 

دیانا ئێلتاهاوی، جێگری بەڕێوەبەری ڕێکخراوی لێبوردنی نێودەوڵەتی بۆ ڕۆژهەڵاتی ناوەڕاست و باکووری ئەفریقا وتی: دەسەڵاتدارانی ئێران هەڵمەتی خۆیان چڕکردەوە دوای ڕاپەڕینی گەل لە وڵاتەکەدا بۆ دروستکردنی تۆقاندن و سەرکوتکردن و بەرەنگاربوونەوەی حیجاب بەزۆر و دانانی چاودێری ژنان بۆ ئەجێندای خۆیان،