سلێمانی 

 

ئەمڕۆ ی نیسان، لە پانێڵێکی زانستی کۆلێجی تەکنیکی کارگێڕی، لە هۆڵی کۆنفرانسی کەمپی کۆلێجە تەکنیکیەکانی چوار چرا، لەشاری سلێمانی، بەبۆنەی ٣٧تەمین ساڵڕۆژی ئەنفالەوە، دیدارێکی زانستیان بۆهەریەکە لە د. دڵپاک تاهیر، د. ژیلوان یار ئەحمەد، مامۆستا، سازان کەریم، د.کارزان محەمەد، مامۆستا، ئیمان سەفائەدین، بە ناونیشانی  "ڕەهەندە جیاوازەکانی کۆمەڵکوژی کورد لە شاڵاوەکانی ئەنفالدا"  ئەنجامدا. 

 

سەرەتای پانێڵەکە بە ساتێک وەستان بۆ گیانی شەهیدانی ئەنفال دەستیپێکرد، دواتر چەند چالاکیەکی جۆراو جۆر پێشکەشکرا. 

 

تێیدا سینەفزیۆنێک سەبارەت بە ئەنفال پێشکەش کرا، دواتر بانگێشتی د.هێرش ڕەسووڵ، یاریدەدەری خوێندکاران و مامۆستایان کرا بۆ خوێندنەوەی وتارێک، تێدا بەخێر هاتنی هەموو میوانانی کرد و ئاماژەی بە جینۆسایدی ئەنفال داو وتی: ئێمە لێرەین بۆ تێگەیشتن لەم ڕووداوە کارەسات بارە، ئەرکی زانستی ئیمە تەنها ڕاگەیاندنی ڕووداوەکان نیە بەڵکو پێوویستە توێژینەوەی زانسی لەسەر بکەین، لەم دیدارەدا چوار ڕەهەندی گرنگ باس ئەکرێت، بەشێوەیەکی تیۆری تاوتوێی ئەنفال ئەکەین، ئەرکی ئێمەشە وەکو دەزگایەکی ئەکادیمی ئەم ڕووداوانە بە نەوەکانی داهاتوومان ئاشنابکەین، لەکۆتایشدا سووپاسی مامۆستایانی و بەشداربوانی کرد بە ئامادەبونیان لەم دیدارەدا. 

  

دواتر مامۆستا ئیمان سەفائەدین، بەڕێوبەری پانێڵەکە، بانگی هەریەکە لە بەشداربووانی دیدارەکەی کرد بۆسەر ستەیج و داوایکرد هەریەکەیان مۆمێک دابگرسێنن بۆ گیانی پاکی شەهیدان. 

  

دڵپاک تاهیر، پانێڵست، باسی لێکەوتەکانی ئەنفالی  لەسەر دۆزی کرد، وتی: ئەم بۆنەیە بۆنەیەکی گرنگە، ئەنفال بۆ؟ بۆچی ڕژێمی پێشووی عێراق ئەنفالی ئەنجامدا؟ بێگوومان یەکگرتووی گەلی کورد، دواتر سەرکەوتنی ڕژێمی عێراق لە شەڕی عێراق - ئێراندا، وایکرد ڕژیمی بەحس غروور بیگرێت بکەوێتە گیانی هاوڵاتیانی خۆی، تاوانی ئەنفال کاریگەری گەورەی بەسەر کوردەوە جێهێشتووە، کەچەندین کاریگەری لەسەر کورد هەبوو لەوانە کاریگەری مرۆیی، کەجگەلە شەهیدان چەندین کەسمان هەیە دوای ئەنفالیش بوونەتە قووربانی، کاریگەری سیاسی، درووستبونی جاش کەبەشداری پرۆسەکەیان کرد و بونە هۆی بێمتمانەی لە نێوان حیزب و خەڵکدا، کاتێک کەسێکت لەلایەن جاشێکی دراوسێەوە شەهیدبووە بۆتە هۆی درووستبوونی ڕق لەناو هاونیشتمانی خۆت، هەروەها ڕادەستبوونی بەشێت لە پێشمەرگەکان کاریگەری زۆری لەسەر خەڵک هەبوو، کاریگەری ئابووری، نزیکەی ٤٠٠ هەزار  گوند لەلایەن ڕژیمی پێشووی بەحسەوە خاپوور کران، ئەمەش کاریگەری لەسەر ئابووری کوردستان هەبوو، تەنانەت هەژارترین ووڵات خۆراک و پێداویستیەکانمان بۆ هاوردە دەکەن، بەشێکی زۆری بێکاری گەنجانیش هۆکاری ڕووخانی ئەو ژمارە زۆرەی گوندەکانە، کاریگەرە کۆمەڵایەتیەکان، تێکەڵ کردنی کولتوورەکان لە ئۆردووگاکان بووە هۆی جیاوازی کولتووری و نەگونجانیان، ئێستا پەیوەندیە کۆمەڵایەتیە جوانەکەی جاران نەماوە، هاوکاری هەروەزی کە جاران لە گوندەکان هەبوو هیچی نەماوە ئەگەر بتەوێت کۆمەڵگەیەک بناسیت لە ڕێگەی خوێندنەوەی کەلتورەکەی دەناسیت، بەڵام دانانی ڕۆژێکی تایبەت بە ژنان کارێکی زۆرباشە، کاریگەری ڕۆشنبیری، جاران ڕێگە بەکچان نەئەدرا لەدەرەوەی ئۆردووگان بچن بخوێنن، ئەگەر لێکۆڵینەوە لە ژنانی ئەو جیلە بکەین دەبینین بەشێکی زۆری نەخوێندەوارن. 

  

سازان کەریم، مامۆستای زانکۆ، باسی ئەنفالی لەڕووی یاساییەوە کردو وتی: جینۆساید بەگەورەترین تاوان دادەنێریت کەبەرامبەر مرۆڤایەتی ئەکرێت، لەساڵی ١٩٤٦، پێشنیارکرا لە یاسا نێودەوڵەتیەکاندا جینۆساید بە تاوانی نێودەوڵەتی بناسێنرێت، دواتر لە ساڵی ١٩٤٨ کەوتە بواری جێبەجێکردنەوە، ئەوەی وایکرد یاسایەکی نێودەوڵەتی تایبەت بەم ڕووداوە دابنرێت مێژووی ئەو تاوانەیە کەڕوویداوە، ئەو وڵاتانەی ئەو یاسایەیان جێبەجێکردووە ١٣٠ووڵاتن، مادەی شەش لە یاسانێودەوڵەتیەکان پێناسەی تایبەتە بە جینۆساید دەکات ، تێیدا دەڵێت، لەناوبردنی هەموو یان هەمووان بەهەرهۆکارێک بێت، ئاینی، کولتووری، ڕەگەزی، ئەوابە جینۆساید دادەنرێت. 

  

ئیمان سەفائەدین، مامۆستای زانکۆ، باسی لەئەنجامدانی ئەم دیدارە کرد، وتی: ئەو چالاکیانەی کە تایبەتن بەدۆزی کورد زۆر گرنگن کە لایەنە ئەکادیمیەکان چالاکی لەسەر ئەنجام بدەن، لە چوارچێوەی دیدار یان سینەفیسیۆن یان توێژینەوە دابێت، ئەم دیدارەی ئێمە تایبەتە بە ٣٧همین ساڵەی ئەنفال، کەسەرجەمیان پێکهاتوون لە مامۆستایانی کۆلێجی تەکنیکی کارگێڕی، هەریەکەیان لە پسپۆڕی خۆیان قسەدەکەن و بابەتەکانیان جۆراو جۆرە و ڕەهەندەکانی ئەنفال باس دەکەن، چ لەڕووی یاسایی یان مێژووی و سیاسیەوە بێت، کورد چۆن بە مافەکانی خۆی بگات و چۆن قەرەبوو بکرێتەوە لەو زیانانەی بەری کەوتووە بەهۆی ئەنفالەوە. 

  

هەروەها باسی گرنگی ئەنجامدانی ئەم دیدارەی کرد، ڕایگەیاند:  گرنگە لایەنە ئەکادیمی و بەڕێوبەرایەتی و فەرمانگە حکومیەکان بەڵێکۆڵینەوە و توێژینەوە و چالاکیەکانیان ئەم ڕووداوە ئاشنابکەن، بۆئەوەی خوێندکارەکان بەم ڕووداوانە ئاشنابن، لەبەر ئەوەی خوێندکارەکان نەوەی تازەن و لەو کاتەدا بەشێکیان لەدایک نەبوون.