دووەم ڕووداو لەمڕۆدا، لە خانەقین ژنێک کوژرا
بەیانی ئەمڕۆ تەرمی ژنێک گەیەندراوەتە نەخۆشخانەی خانەقین کە شوێنەواری ٧ گولـلە بە لەشییەوە بووە.
![](https://jinhaagency1.com/uploads/so/articles/2024/03/20240303-khanaqin-jpgc10c6e-image.jpg)
ناوەندی هەواڵ
لەکاتێکدا بەرەو ٨ی ئادار، ڕۆژی جیهانی تێکۆشانی ژنان هەنگاو دەنێین، بەڵام ڕەتکردنەوەی ژنان و نایەکسانی بەرامبەریان لە زیادبووندایە، تەنها بەیانی ئەمرۆ ٣ی ئادار، کوشتنی ژنێک لە خانەقین و گیان لەدەستدانی گوماناوی منداڵێکی کچ لە کەلار کە شوێنەواری گولـلە بە لەشیەوە هەبووە تۆمار کراوە.
بەرێوەبەری نەخۆشخانەی خانەقین بۆ ڕاگەیاندنەکان ئاماژەی بەوەکردووە، کاتژمێر ١٠:٣٠ی خولەکی بەیانی ئەمڕۆ ٣ی ئادار تەرمی ژنێکی تەمەن ٣٠ ساڵ، کە شوێنەواری گولـلە بە لەشییەوە بووە، گەیەنراوەتە نەخۆشخانەی خانەقین.
ڕاشیگەیاندووە، ژنەکە دایکی دوو منداڵ بووە، شوێنەواری ٧ گولـلە بە لەشییەوە بووە، بۆ زانینی چۆنیەتی ڕووداوەکە تەرمەکەی ڕەوانەی پزیشکی دادی بەعقوبە کراوە.