ناوەندی هەواڵ

 

لە هێرشەکانی سێ ڕۆژی ڕابردوودا دەوڵەتی تورکیا بۆ سەر باکوورو ڕۆژهەڵاتی سووریا، هەموو وێستگەکانی کارەبا و نەوت و گازی کردووەتە ئامانج .

 

بەگوێرەی نوسینگەی وزەی خۆبەڕێوەبەری دیموکراتیک، وێستگەی سویدی کە پێداویستی گاز و کارەبای کانتۆنی جزیرە دابین دەکات، بە تەواوی لە خزمەتگوزاری وەستاوە، ٧ وێستگەی تری کارەبا لە شار و ناوچەکانی کانتۆنەکانی جزیرە و فورات لە خزمەتگوزاری وەستاون.

 

زیاد ڕۆستەم، هاوسەرۆکی نوسینگەی وزەی خۆبەڕێوەبەری دیموکراتیکی باکوور و ڕۆژهەڵاتی سووریا بە ئاژانسی هەواڵی هاوارنیوزی ڕاگەیاند، وێستگەکانی کارەبا لە تربەسپی و قامیشلۆ و عامودا دربەسێ و عەین عیسا و کۆبانێ و تیل تەمر وەستاون.

 

ئاماژەی بەوەشکردووە، ٧٠%ی دێرک بۆردومانی کراوەتەسەر، ناوچەکانی قامیشلۆ، چیلاخا، تل کۆچەر، تربەسپی، تیل حەمیس، عامودا، دربەسێ و تل تەمیر لە کانتۆنی جزیرە، عەین عیسا و چەندین بەشی دیکەی کانتۆنی فورات بەهۆی هێرشەکانەوە کارەبایان بڕاوە.

 

ئەوەشخراوەتەڕوو، نزیکەی دوو ملیۆن کەس لە شارەکە و زیاتر لە ٨٠٠ گوند بەهۆی هێرشەکەوە بێ کارەبا ماونەتەوە.