ناوەندی هەواڵ

 

شەڕی غەززە لە نێوان پەرەسەندنی ئۆپەراسیۆنە سەربازییەکان و وێرانکارییە بەرفراوانەکاندا بەردەوامە، لە کاتێکدا بەهۆی پەککەوتنی بەردەوامی خزمەتگوزارییە مرۆییەکان و سەختی گەیاندنی هاوکارییەکان، قەیرانی مرۆیی بۆ دانیشتووان خراپتر دەبێت.

 

بەرەبەیانی ئەمڕۆ هێزەکانی ئیسرائیل هەڵمەتێکی بەرفراوانیان لە ناوچە جیاوازەکابی کەرتی ڕۆژئاوا دەستپێکرد و هەڵیانکوتایە سەر ماڵەکان و ژمارەیەک فەلەستینییان دەستگیرکرد، کە لەناویاندا ژن، منداڵ، ڕۆژنامەنووس هەن، بەپێی سەرچاوە ناوخۆییەکان. ئەم دەستگیرکردنانە بەشێکن لەو هەڵمەتانەی کە ڕۆژانە هێزەکانی ئیسرائیل لە سەرتاسەری کەناری ڕۆژئاوا ئەنجامی دەدەن.

 

ڕێکخەری نیشتەجێی نەتەوە یەکگرتووەکان لە خاکی فەلەستین هۆشداری دا لە بەرزبوونەوەی مەترسیدارانەی ئاستی توندوتیژی لە کەرتی ڕۆژئاوا، لەوانە قودسی ڕۆژهەڵات، ئاماژەی بە پەرەسەندنی هێرشی ڕۆژانەی دانیشتووانی وڵاتەکەی کرد، کە لە ئەنجامدا قوربانی و زیانی ماددی لێدەکەوێتەوە، هەروەها دەبێتە هۆی ئاوارەبوون لەناو کۆمەڵگەی فەلەستین لە سەرتاسەری کەناری ڕۆژئاوا.

 

بەردەوامی بۆردوومان کردن

وەزارەتی تەندروستی غەززە ڕایگەیاند، لە یەک ڕۆژدا دوو کەس گیانیان لەدەستداوە و ١١ی دیکەش برینداربوون، ئەمەش لەکاتێکدایە بۆردوومانی ئیسرائیل لە سەرانسەری کەرتی غەززە بەردەوام بووە، ژمارەیەک قوربانی لە ژێر داروپەردوو و لە شەقامەکاندا گیریان خواردووە و تیمەکانی ئەمبولانس و بەرگری شارستانی بە زەحمەت گەیشتوونەتە دەستیان.

 

وەزارەتەکە ئاماژەی بەوەشکرد، لەدوای ئاگربەستی مانگی تشرینی یەکەمی ٢٠٢٥ەوە، کۆی گشتی قوربانییەکان گەیشتووەتە ٦٨٩ کوژراو و هەزار و ٨٦٠ بریندار و ٧٥٦ تەرمیش دەرهێنراون، کۆی قوربانیانی شەڕی کەرتی غەززە بۆ ٧٢ هەزار و ٢٦٥ کوژراو و ١٧١ هەزار و ٩٥٩ بریندار بەرزبووەتەوە.