ناوەندی هەواڵ

 

لەم دواییانەدا ئێران شاهیدی هەڵکشانی بێوێنەی جێبەجێکردنی سزای لەسێدارەدان بووە، کە ئامانج لێی سەرکوتکردنی ناڕازییان و چالاکوانان و بەئامانجگرتنی پێکهاتەکان بووە، ئەمەش بووەتە ڕەخنەی نێودەوڵەتی لە بەرزبوونەوەی ڕێژەی لەسێدارەدانەکان.

 

نوسینگەی کۆمیساریای باڵای مافی مرۆڤی نەتەوە یەکگرتووەکان ڕۆژی ٢٩ی ئاب ڕایگەیاند کە دەسەڵاتدارانی ئێران لە سەرەتای ئەمساڵەوە لانیکەم ٨٤١ حاڵەتی لەسێدارەدانیان ئەنجامداوە. ڕاڤینا شەمداسانی وتەبێژی ڕێکخراوی OHCHR ڕایگەیاند کە تەنها لە مانگی تەمووزدا ١١٠ لەسێدارەدان ئەنجامدراوە.

 

ئەوەشیخستەڕوو کە  ئەم ژمارەیە زیاتر لە دوو ئەوەندەی ژمارەی لەسێدارەدانەکان زیاد دەکات کە لە هەمان مانگی ساڵی ڕابردوودا ئەنجامدراون، ئەم زیادبوونە دوای زیادبوونی بەرچاوی خێرایی لەسێدارەدانەکان دێت لە ماوەی نیوەی یەکەمی ئەمساڵدا.