ناوەندی هەواڵ

بە درێژایی دوێنێ جموجۆڵێکی زۆری سوپای عێراق لە شەنگال هەبوو کە بەپێی ئەو زانیارییانەی دەستکەوتووە، ژمارەیەکی زۆر سەرباز و کەرەستەی سەربازی وەک تانک و زرێپۆش لە موسڵەوە بەرەو ناوەندی شەنگال و گوندەکانی دەوروبەری گواستراونەتەوە.

 

بەشێک لەو هێزە سەربازییانە لە بنکەکانی سوپا لە ناوەندی شەنگال بڵاو کراونەتەوە بەشێکی دیکەشیان سنوری گوندەکانی سکینە و حەیال لە باشوری چیای شەنگال بڵاو کراوەتەوە.

 

سەرەڕای ئەو جموجوڵەی سوپای عێراق تا ئێستا هیچ هێرش و پێکدادانێک ڕووینەداوە هێزەکانی سوپا خۆیان لەبنکەکانیان جێگیر کردووە.

 

ئەوە لە کاتێکدایە هاوکاتی هێرشی دەوڵەتی تورک بۆ سەر باشوری کوردستان، سوپای عێراق هێرشیکردە سەر ئاسایشی ئێزدیخان و هێزەکانی یەژەشە و یەبەشە، سەرەڕای راگەیەندراوەکانی ئەنجومەنی خۆبەڕێوەبەری شەنگال و تەڤگەری ئازادی ژنانی ئێزدی بۆ گفتوگۆو هەڵنەگیرسانی شەڕ بەڵام سوپای عێراق لە پلانەکەی بەردەوامە.