ناوەندی هەواڵ

 

بەپێی زانیارییەکانی دەزگای ئاسایشی فیدراڵی ڕووسیا، دوێنێ  لە ئەنجامی هێرشی چەکداری بۆ سەر هۆڵێکی کۆنسێرت لە نزیک مۆسکۆی پایتەختی ڕووسیا، ٦٢ کەس گیانیان لەدەستداوە و ١٠٠ کەسی دیکەش برینداربوون.

 

میدیاکان ئاماژەیان بەوەشکردووە، هێرشبەرەکان ژمارەیان دوو بۆ پێنج کەس بووە و جلوبەرگی گولـلە نەبڕیان لەبەردا بووە، بە چەکی ئۆتۆماتیکی تەقەیان بەرامبەر خەڵکەکە کردووە و ئاگریان بەرداوەتە هۆڵەکە، زیاتر لە ٥٠ ئۆتۆمبێلی فریاکەوتن و کارمەندانی فریاکەوتن ڕەوانەی شوێنی ڕووداوەکە کراون، هەروەها ڕێوشوێنە ئەمنییەکان لە سەرجەم فڕۆکەخانەکاندا توندتر کراون.

 

جێی ئاماژەیە، داعش لە تۆڕە کۆمەڵایەتییەکانی تێلێگرام پۆستێکی بڵاوکردەوە و تیایدا بەرپرسیارێتی خۆی لە هێرشەکەی مۆسکۆ ڕاگەیاند و دەڵێت چەکدارەکانی ئەو هێرشەیان ئەنجامداوە.