عێراق و سووریا کەمترین ڕێژەی ئاسایشیان تێدایە
سووریا و عێراق یەکێکن لەو وڵاتانەی کەمترین ڕێژەی ئاسایشیی وڵاتیان تێدایە، سووریا پلەی یەکەمی وڵاتانی عەرەبی و پلەی پێنجەمی جیهان هەروەها عێراق پلەی دووەمی لەسەر ئاستی وڵاتە عەرەبیەکان و پلەی ١١ی لەسەر ئاستی جیهان گرتووە.
ناوەندی هەواڵ
پەیمانگای ئابووری و ئاشتی تایبەت بە توێژینەوە لە بواری هەڕەشەی ئابووری و پێوەرەکانی تیرۆری جیهانی، نوێترین ڕاپۆرتی لەبارەی تیرۆر لە سەر ئاستی وڵاتانی عەرەبی و جیهان بڵاوکردەوە، ڕاپۆرتی پەیمانگاکە کۆکراوەی ئاماری ساڵی ٢٠١٧ـی لە خۆگرتووە تاوەکو ساڵی ٢٠٢٤.
لە ڕاپۆرتەکەدا باس لەوەکراوە، هەردوو وڵاتانی عێراق و سووریا لە پێشەنگی وڵاتانی عەرەبین لە ڕووی نەبوونی ئارامى و ئاسایشەوە.
سووریا پلەی یەکەمی وڵاتانی عەرەبی و پلەی پێنجەمی جیهانی گرتووە، بەڵام عێراق پلەی دووەمی لەسەر ئاستی وڵاتە عەرەبیەکان و پلەی ١١ی لەسەر ئاستی جیهان لە کۆی ٨٩ وڵات گرتووە.