ناوەندی هەواڵ

 

دەستپێشخەری نون بۆ ئازادی جەستەیی ڕێبەری گەلی کورد عەبدوڵا ئۆجالان، دەربارەی هەڵوێستی سی پی تی کە چووە تورکیا بەڵام سەردانی ئیمراڵی نەکرد بەیاننامەیەکی بڵاوکردەوە.

 

لە بەیاننامەکەدا هاتووە: سەرەڕای گۆشەگیرکردنی ڕێبەر عەبدوڵا ئۆجالان و دەستگیرکردنی نایاسایی و تاوانە سیستماتیکییەکانی دەسەڵاتدارانی تورکیا دژی ڕێبەر عەبدوڵا ئۆجالان، کۆمەڵگەی نێودەوڵەتی و ڕێکخراوەکان و دامەزراوەکان هیچ ڕێوشوێنێکی جدییان لە دژی ئەو تاوانانە نەگرتووەتەبەر، دەستپێشخەرییەکە هەڵوێستی سی پی تی و نەچوونی بۆ ئیمراڵی شەرمەزارکرد و رایگەیاند، ئەو هەڵوێستە نیشانی دەدات کە هەموو کەسێک لە دژی ڕێبەر عەبدوڵا ئۆجالان هاوکاری دەکات و دوورە لە دادپەروەری و تەنیا بەدوای بەرژەوەندییەکانی دەسەڵاتدارانی تورکیادا دەگەڕێت.

 

لە کۆتایی بەیاننامەکەدا هاتووە: پێویستە سی پی تی بەخێرایی سەردانی ئیمراڵی بکات و بارودۆخی ڕێبەر عەبدوڵا ئۆجالان ئاشکرا بکات، بەتایبەتی کاتێک دیاردەی سروشتی مەترسیدار لە ناوچەکەدا ڕوودەدات وەک بوومەلەرزە، بۆیە پێویستە سی پی تی و دامەزراوەکانی دیکە ڕاپۆرتی بارودۆخی ڕاستەقینەی ڕێبەر عەبدوڵا ئۆجالان بدەن، لە پشتیوانیکردنی مەبەستی ڕەوای ڕێبەر عەبدوڵا ئۆجالان و ئازادییدا کۆڵ نادەین.