ناوەندی هەواڵ

 

فێستیڤاڵی شانۆی نێودەوڵەتی نووسەرانی ژنی ئەستەنبوڵ کە نۆ ڕۆژ دەخایەنێت، ئامانجی گەورەکردنی دەنگی نووسەرانی ژنە لەسەر شانۆ و گۆڕینی شانۆ بۆ شوێنی کارلێکی مرۆڤایەتی و ئاڵوگۆڕی ئەزموونە کولتوورییەکان.

 

یەکەم ڕۆژی فێستیڤاڵی نێودەوڵەتی شانۆی نووسەرانی ژنی ئەستەنبوڵ لە ٧ی شوبات بە بەشداری بەرفراوانی ٩ وڵات دەستیپێکرد، کە ١٩ بەرهەمی شانۆیی پێشکەش کران، هاوکات لەگەڵ سیمینار و پێشانگا، ئاهەنگگێڕان بە داهێنان و ئەزموونەکانی ژنان لە شانۆدا.

 

فێستیڤاڵەکە بە نمایشی "سڤدالینکا" دەستیپێکرد، کە لە ڕۆمانی نووسەری تورک ئایشە کولین وەرگیراوە، شانۆنامەکە کارەساتی شەڕی بۆسنە و هەرسەک نیشان دەدات، لە دەرهێنانی فیلیز بیجوزمەنە و سیناریۆکەی ئۆزلەم سیراج ئۆزجان نووسیویەتی، کاستەکە بریتی بوون لە ئایشە دینتش و عەلی فولکان شیتینکایا.

 

لە فێستیڤاڵەکەدا، کە ١٠ ڕۆژ دەخایەنێت، ١٩ بەرهەمی شانۆیی لە چەند وڵاتێکەوە نمایش دەکرێت، لەوانە کازاخستان، ڕووسیا، ئیسپانیا، بیرو، تونس، باکووری مەقدونیا، کۆڵۆمبیا، جۆرجیا و هەنگاریا، جگە لە نمایشەکان، فێستیڤاڵەکە پێشانگایەک بە ناوی "ژنانی سەر شانۆ" بەڕێوەدەبات، کە گەشتێکی بینراو و سۆزداری پێشکەش دەکات بۆ ناو یادەوەری و ئەزموونە مرۆییەکانی ژنان لە شانۆدا.

 

فێستیڤاڵەکە جەخت لەوە دەکاتەوە، کە شانۆ تەنها شێوازێکی هونەری نییە کە دەبێت سەیری بکرێت، بەڵکو ئەزموونێکە کە دەبێت هاوبەشی بکرێت و بژیت، چیرۆکی ژنان لە کولتوورە جیاوازەکانەوە دەهێنێتە سەر شانۆ، شوێنی کارلێککردن و ڕەنگدانەوەی بەکۆمەڵ دروست دەکات و تیشک دەخاتە سەر ئەوەی کە دەنگی ژنان لە شانۆدا بەشێکی سەرەکییە لە داڕشتنی یادەوەری مرۆڤ.