ناوەندی هەواڵ

 

چاگلار دەمیرەل، پەرلەمانتاری پێشووی هەدەپە بە بیانووی ئەوەی لە قسەکانیدا لە ساڵی ٢٠١٦دا وتبووی “بەڕێز ئۆجالان”، سزای سێ مانگ زیندانی بەسەردا سەپێندرا و دادگای تێهەڵچوونەوەش سزاکەی “بەپێی یاسا” بینی.

 

وتەکانی چاگلار دەمیرەل کە باسی لێوە دەکرێت، لە ماوەی خولی جێگرایەتیەکەیدا بووە و ئەوکاتە بڕیارێکی لەسەر ئامادەکرا، دواتر لە ساڵی ٢٠٢٢ دادگایی کرا و لە ساڵی ٢٠٢٥دا بڕیاری لەسەر درا، سزای سێ  مانگ زیندانیکردنی لەلایەن دادگای ناوخۆییەوە بەسەردا سەپێندرا و لەلایەن دادگای باڵاوە پەسەندکرا.

 

دەستەواژەی “بەڕێز ئۆجالان” کە چاگلار دەمیرەل لە وتەکەیدا بەکاری هێناوە، وەکو "پشتیوانی لە تاوان و تاوانکاری کردووە" پێناسە کراوەو لە دادگای تاوانەکانی ٢٧یەمینی ئەنتاڵیا دادگایی کرا، چاگلار دەمیرەل کە لە دادگاییکردنەکەدا پارێزگاری لە خۆی کرد، ڕایگەیاند کە وتارەکەی بۆ ڕاکێشانی سەرنج بوو بۆ ئاشتی و دیالۆگ، بۆیە تاوان نەبووە.

 

شاندی دادگا بە پڕوپاگەندەی ئەوەی، کە هەم قسەکان و هەمیش وشەکان بڵاوکراونەتەوە تاوانن، سزای ٣ مانگ زیندانی بەسەر چاگلار دەمیرەلدا سەپاند.

 

پارێزەران تانەیان لەو بڕیارە داوە کە ساڵی ڕابردوو دراوە و سەردانی دادگای تێهەڵچوونەوەیان کردبوو، ئەم دادگا باڵایە چەند ڕۆژێک لەمەوبەر وەڵامی تانەکەی دایەوە و بڕیاری سزادانی دادگای باڵای تاوانەکانی هەرێمی ئەنتاڵیا بە پێی یاسا بینی و پەسەندی کرد.

 

دوای پەسەندکردنی دۆسییەکە دەخرێتە بەردەم دادگای باڵا.