ئرفروز رادمنش

 

تاران- لە ڕاپرسییەکدا کە لەلایەن کۆمپانیای "خەبەر ئۆنلاین" ئەنجامدراوە، ٥٨%ی خەڵکی ئێران بەشداری لە هەڵبژاردنەکاندا ناکەن بەهۆی کردارە سەرکوتکەرەکانی دەسەڵاتدارانەوە کە بۆ ماوەی ٤٥ ساڵە خوێنی خەڵکی بێتاوان دەڕژێنن.

 

بونە، ک تەمەن ٦١ ساڵ وتی: مام و باوکم پێش شۆڕشەکە چالاکوانی سیاسی بوون کە ژیانی خۆیان لە پێناوی ئازادیدا بەخشی و لەلایەن ساڤاک (ڕێکخراوی هەواڵگری نیشتمانی و ئاسایش) لە سەردەمی پەهلەوی لە سێدارە دران و دوای شۆڕشی ساڵی ١٩٥٧ بارودۆخەکە لە ڕابردوو تاریکتر بوو، چونکە مەلاکان ڕێگەیان نەدەدا هیچ هێزێک کار بکات، تەنانەت من و هاوڕێکانم چەندین جار هەڕەشەمان لێکراوە و زیندان و ئەشکەنجەمان بینیووە.

 

ڕوونیکردەوە کە دەسەڵاتدارانی ئێران چەندین ساڵە منداڵان دەکوژن، وتی: شەقامەکانمان بۆنی خوێنی ئەو کەسانە دەکەن کە پێش یان پاش شۆڕشی ساڵی ١٩٧٩ کوژران، پێویستە بە پابەندبوونەوە بەردەوام بین لەسەر ڕێگاکەیان چونکە ئەم خەباتە بۆ ئێمە بەردەوامە، کەواتە چۆن دەتوانین مۆری ڕەزامەندی بخەینە سەر خوێنی خەڵک بۆ پاککردنەوەی حکومەتەکەیان.

 

مارال،ک کارمەندی کۆمپانیایەکی یاسایە و تەمەنی ٣٨ ساڵە، ئەوەی پشتڕاستکردەوە کە ئاسایش پەیوەندییان پێوەکردوون و پێیان وتووە کە دەبێت بچن بۆ هەڵبژاردنەکان.

 

سوزان. ئ، مامۆستایەکی نافەرمی تەمەن ٢٢ ساڵ لە قوتابخانەیەکی ڕۆژهەڵاتی تاران وتی: بەڕێوەبەری قوتابخانەکە پێی وتین کە پێویستە بڕوانامەی لەدایکبوونمان مۆر بکرێت، چونکە دواتر ئەگەر بیانەوێت ئێمە بە فەرمی بکەن، سەیری بڕوانامەی لەدایکبوون دەکەن، ئەمەش یەکێکە لە گرنگترین فاکتەرەکان بۆ ئەوەی کەسایەتی فەرمیمان پێ ببەخشێت.

 

ئاماژەی بەوەشکردووە، هەمان شت بۆ تاقیکردنەوەی دامەزراندن و پابەندبوون بە ڕێکخستن و بەشداریکردن لە هەڵبژاردنەکاندا هەیە، کە یەکێکە لە گرنگترین بابەتەکانیان و لە لایەکی دیکەوە خێزانەکان نیگەرانن لە داهاتووی منداڵەکانیان و دەڵێن لە وڵاتێکدا کە هیچ کەلێنێک نییە، نابێت ئەم دەرفەتە بچوکانە لەدەست بدرێن، وەک مامۆستایەکی نافەرمی، هەست بە فشار دەکات لەلایەن حکومەتەوە، وتی: ئێمە ئەم سەرکوتکردنانە بەو شێوەیە قبوڵ دەکەین و ئەم کۆرسە بۆ منداڵەکانمان دووبارە دەکەینەوە، یان دەبێت نموونەیەک بۆ منداڵەکانم دابنێم.