ئەو لافاوەی لە چەند ڕۆژێکە بەشێکە لە ناوچەکانی شاری وانی باکوری کوردستانی گرتووەتەوە، بووەتە هۆی وێران بوونی دەیان خانوو و تەویلەی بەخێوکردنی ئاژەڵ.

ناوەندی هەواڵ

 

بەهۆی بارانی زۆر لە گەڕەکی ئیسنیاماچ "شەشکان" لافاو لە شارۆچکەی باشکەلی شاری وان گرتووەتەوە، چەندین ماڵ و تەویلە بەخێوکردنی ئاژەڵ لەو شارە وێران بوون و ئۆتۆمبیلەکان ئاو بردوونی لەگەڵ خۆیدا.

لە هەمانکاتدا نەتوانراوە هاتوچۆ بۆ ئەو ناوچەیە دابین بکرێت کە بەهۆی لافاوەوە زیانی بەرکەوتووە، هەروەها کارەبایش بڕدراوە.