ناوەندی هەواڵ

 

ماوەی ٦٠ ڕۆژە فەرمانبەرانی هەرێمی کوردستان مووچەیان پێنەدراوە کە مووچەی مانگی تەمووزو ئابە، فەرمانبەران لە دژی پێنەدانی شایستە داراییەکانیان بایکۆتی دەوامیان دەستپێکردووە.

 

فەرمانگەی دادنووس، پاسپۆرت، شارەوانییەکان و زانکۆ لە سلێمانی و کۆمەڵگەی پزیشکی ددان لە هەڵبجە بایکۆتی دەوایان کردووەو قەرەباڵغیی لە بەردەم فەرمانگەکان دروستبوو و هاوڵاتییان کارەکانیان بۆ ڕایی ناکرێت.

 

ئەمە لە کاتێکدایە، بەشێک لە فەرمانگەکانی سنووری پارێزگای سلێمانی کاتی دەوامیان کەمکردووەتەوە، بە جۆرێک پێشتر دەبوایە لە کاتژمێر ٨:٣٠ خولەکی بەیانی تا ٠٢:٠٠ـی نیوەڕۆ بوایە، بەڵام کەم کراوەتەوە لە ٠٩:٠٠ـی بەیانی بۆ ١٢:٠٠ـی نیوەڕۆ، هەروەها ڕۆژەکانی دەوام کردن لە پێنج ڕۆژەوە کەمکراوەتەوە بۆ دوو یان سێ ڕۆژ.

 

دوێنێش ١ی ئەیلول، هەریەک لە فەرمانگەکانی شارەوانی و کارەبای بایکۆتیان ڕاگەیاند، دوای چەند کاتژمێرێك دەستیان بە دەوام کردەوە.