ڕەفیف ئیسلیم

 

غەززە- لە سەر زەویی یاریگای "عنان" لە شارۆچکەی دێر بەلاح لە ناوەڕاستی کەرتی غەززە، یانەی ژنانی  "مبتورات الأطراف” بۆ تۆپی پێ لەژێر چاودێری "کۆمەڵەی فەڵەستین بۆ تۆپی پێی کەمئەندامە بڕاوەکان" هەوڵ دەدەن بۆ پێکهێنانی یەکەم هەڵبژاردەی فەڵەستینی بۆ ژنانی کەمئەندام، بە ئامانجی بەرەنگاربوونەوەی برین و ئەنجامدانی یارییە ڕکابەرییەکان لەگەڵ یانە جیهانییەکان لە دەرەوەی فەڵەستین.

 

ئایە عوسمانی، یەکێک لە ڕاهێنەرەکانی یانەکە وتی: یانەکە دوای سەرهەڵدانی جەنگی ٢٠٢٣ پێکهات، پاش ئەوەی ژمارەیەکی زۆر لەو ژنەگەنجانەی کە وەرزشیان دەکرد تووشی پێکان و بڕانەوەی قاچ یان دەست بوون، بیرۆکەکە ئەوە بوو بۆچی واز لە وەرزشکردن یان بەدواداچوونی خەونەکانیان بهێنن لەپێناو پیشەگەریکردن لە دەرەوەی کەرتی غەززە؟ بۆیە بە شێوەیەکی کەسی یان بە بڵاوکردنەوەی ئاگادارییەک لە ڕێگەی ماڵپەڕەکانەوە پەیوەندییان پێوەکرا بۆ پێکهێنانی یانەکە.

 

ئاماژەی بەوەش کرد، ئەوەی جێی سەرسوڕمان بوو ئەوە بوو کە هەندێک منداڵانی کچ و ژن پەیوەندییان کرد کە پێش جەنگ هیچ کاتێک وەرزشیان نەکردبوو، بەڵام دوای ئەنجامدانی تاقیکردنەوەی قبووڵکردن، گروپی ڕاهێنەران دڵنیابوونەوە لە توانای ئەوەی کە دەتوانن ئاستێکی ناوازە پێشکەش بەن، بەم شێوەیە پێکهێنانی یانەکە بوو بە تێکەڵەیەک لە نێوان منداڵانی کچانی شارەزا لە وەرزشدا و منداڵانی کچانی تر کە دوای برینداربوون و جەنگ فێرکران و ڕاهێنانیان پێکرا، هەروەها چەندین سەختییان لە کاتی پێکهێنانی یانەکەدا ڕووبەڕووبووەوە، کە دیارترینیان نەبوونی ئامڕازەکانی گواستنەوە بوو، چونکە یاریگا ئامادەکراوەکە لە شاری دێر بەلاح بوو و کچەکانیش خەڵکی شاری غەززە بوون.

یەکێک لە دیارترین ئاڵەنگاریەکان کە ڕووبەڕووی یانەکە بووەوە، دابونەریتە کۆنەپەرستەکان بوو کە هێشتا لە کۆمەڵگەدا چەسپاون، هەندێک لە خێزانەکان بە تەواوی ڕەتیانکردەوە، لە کاتێکدا کۆمەڵگە دەستی بە شەپۆلەکانی سەرکۆنەکردن و گاڵتەپێکردن کرد کە چۆن کچانی کەمئەندام یاری تۆپی پێ دەکەن؟ ئایە عوسمانی وتی: دامەزرێنەرانی یانەکە دەستەوسان نەوەستاون، بەڵکوو هەر منداڵێکی کچ هەستی بکردایە کە حەزی بە یاریکردنە، پەیوەندییان بە خێزانەکەیەوە کردووە و ڕازییان کردوون، سەبارەت بە کۆمەڵگەش، ئەمڕۆ هەموو ڕاپۆرتێکی ڕاگەیاندن کە سەرکەوتنی ژنانی گەنجە دەوروژێنێت، بە باشترین شێوە وەڵامیان دەداتەوە.

 

گەورەترین ئاڵەنگاری بەوتەی ئایە عوسمانی ئەوە بوو کە ئەو بە زەحمەت دەڕۆیشت، جا چۆن دەتوانێت یاریەکە پێبکات و ڕابکات؟ بۆیە ڕاهێنەرانی یانەکە دەستیان کرد بە ڕاهێنانی گونجاو و بە کردەوە لە ماوەیەکی کورتدا بە شێوەیەکی هەنگاو بە هەنگاو لە ڕێگەی چەند ڕاهێنەرایەتییەکەوە ئامادە کران،  یەکەم ڕاهێنانیان تەنها بۆ چەند خولەکێک یارییان کرد، لە کاتێکدا لە دووەمیاندا ئاستیان باشتر بوو و بەو شێوەیە تا گەیشتن بەو ئاستەی کە ئێستا هەیانە، ئەمڕۆ ڕووبەڕووی چەندین سەختی دەبێتەوە، دیارترینیان لە بواری لۆژستیکی و دابینکردنی شوێنی گونجاو واتە یاریگا داخراوە ئامادەکراوەکانە بۆ دابینکردنی تایبەتمەندی بۆ یاریزانەکان.

 

ئاماژە بەوە دەکات، کە یانەکە پێویستی بە ڕۆژی زیاتری ڕاهێنان هەیە، لەگەڵ بوونی جلوبەرگ، کەرەستەی وەرزشی، تۆپ، کۆپ و کەرەستەکانی تری کە کۆمەڵەکە دابینی دەکات، بەڵام یانەکە پێویستی بە زیاتریان هەیە، وتی: منداڵانی کچ  خەون بە بەشداریکردن لە پێشبڕکیە نێودەوڵەتییەکانی دەرەوەی فەڵەستین دەبینن، بەتایبەت کە فیستیڤاڵ لە ساڵی ٢٠٢٧ لە شاری فەرەنسا بەڕێوە دەچێت و هیوادارن ڕێگەیان پێبدرێت بۆ دەرچوون و بەشداری کردن تێیدا و ڕێگری و بەربەست لەلایەن هێزەکانی

ئیسرائیلەوە دروست نەکرێت.

سەرەڕای لەدەستدان و برینداربوون دایکێک خەونی کچەکەی تەواو دەکات

یاریزان شریهان عيد، پێنج هەفتە پێش ئێستا پەیوەندی بە یانەکەوە کردووە پاش ئەوەی لەلایەن کۆمەڵەکەوە پەیوەندی پێوەکراوە، هۆکاری قبووڵکردنەکە ئەوە بوو کە کچەکەی لە هێرشێکی ئیسرائیلیدا کوژرا، خەونی بەوەوە دەبین کە پەیوەندی بە یانەی تۆپی پێوە بکات و خەڵاتی جیهانی بەدەستبهێنێت، بۆیە بەشدارییەکەی لە یانەکەدا هات بۆ تەواوکردنی ئەوەی کچەکەی دەستی پێکردبوو و دڵنیای بکاتەوە کە ئەو لەبیر ناکات و تەنانەت لە نەبوونی ناچاریدا هەر خۆشی دەوێت.

 

بە گەڕانەوە بۆ چیرۆکی شریهان عيد، ئەو دایکی چوار منداڵە و دوو کچەکەی لە هێرشێکی ئیسرائیلیدا بۆ سەر قوتابخانەی "ئەبو حەمیسە" کوژران کە تێیدا لەگەڵ خێزانەکەی ئاوارە بوون، لە کاتێکدا خۆیشی تووشی بڕانەوەی قاچ بوو، ڕوونیکردەوە، کە ژیانی پێش بڕانەوەی قاچی زۆر ئاسانتر بوو لە هاتوچۆ و جووڵەدا چونکە ئەو دایکە و سەرپەرشتی کوڕ و کچە ڕزگاربووەکەی دەکات لە سایەی شارێکدا کە تەواوی خزمەتگوزارییەکانی وێران بوون بەتایبەت ڕێگاوبانەکان، بۆیە بەپەلە پێویستی بە گەشتکردنە بۆ دەرەوەی کەرتی غەززە و بەدەستهێنانی ئەندامێکی دەستکرد کە ئەرکەکانی ژیانی ڕۆژانەی ئاسان بکاتەوە بەتایبەت دوای ئەوەی گوێی لە ئەزموونی ئەو ژنانە بوو کە ئەندامی دەستکردیان بەدەستهێناوە.

 

هەروەها دەبینێت کە پەیوەندیکردنی بە یانەکەوە هیوای پێبەخشی بۆ سبەینێیەکی باشتر لە ڕووی دەروونی و جەستەییەوە، چونکە هەستی بەوە کرد کە دەتوانێت بە ڕێژەیەکی زیاتر لەگەڵ برینەکەدا بگونجێت و وەرزشی ڕاکردن ئەنجام بدات کە پێش ڕاهێنانەکان بیرکردنەوە لێی ئەستەم بوو، هیواشی خواست کە ئەگەر بکرێت ژیانی خۆی بە شێوەیەکی ئاسایی لە پاڵ منداڵەکانیدا ئەنجام بدات.

 

ئەزموونەکەی کردیە کچێکی کۆمەڵایەتی

لمەلاک تۆمان، گۆڵپارێز پەیوەندی بە یانەی ژنانەوە کرد لەبەر ئەوەی دەیویست کارێکی باش بکات، سەرەڕای ترسی لە تۆپ، بەڵام ڕووبەڕووی ترسی خۆی بووەوە و دەستی کرد بەو ڕاهێنانەی کە ئەمڕۆ وای لێدەکات ڕێگری لە گۆڵەکان بکات، دیاریکرد کە ئەزموونەکەی لەگەڵ یانەکەدا وای لێکرد کە کچێکی کۆمەڵایەتی بێت و کەسایەتی پەرەپێبدات، بێجگە لە چەندین لێهاتوویی جەستەیی کە لەم دواییانەدا بەدەستی هێناوە، وتی: خەون بە بەشداریکردن لە یارییە جیهانییەکان دەبینێت، چونکە وەرزش ئامرازێکی گرنگە بۆ گەیاندنی دۆزی فەڵەستینی و بۆ نوێنەرایەتیکردنی ژنانی فەڵەستینی کە سەرەڕای جەنگ و کەمئەندامی، هێشتا داهێنەرن و لە ژیانیدا پێشکەوتوون وەک ئەوەی کەمئەندامی هەرگیز لە ڕۆژێکدا نەهاتبێتە ناو ژیانیانەوە، چونکە توانایەکی گەورەیان هەیە و توانای بەردەوامبوونیان هەیە، هیواداریشە دەنگی بۆ جیهان بگات و ئەو پشتگیرییە بەدەستبهێنێت کە شایستەیەتی.