"ژیانێک و ڕۆژێک"، فیلمێکی درامای ئێرانییە لە نووسین و دەرهێنانی سەعید ڕۆستایی، فیلمەکە لە ٣٤مین فێستیڤاڵی فیلمی فەجر لە ساڵی ٢٠١٦ بۆ یەکەمجار نمایشکرا و ١٠ پاڵێوراو و ٧ خەڵاتی وەرگرت.

 

فیلمەکە باس لە چیرۆکی بنەماڵەیەکی هەژار لە ئێران دەکات، کە ڕادەی ئەو مەینەتییە نیشان دەدات ئێرانییەکان بە تایبەت ژنان تووشی دەبن، وەک پاڵەوانی فیلمەکە کە ناوی سۆمایە، بارگرانییەکانی ماڵ و کێشە بێکۆتاکانی هەڵدەگرێت، هەموو ئەرکەکانی دایکی بۆ ئەندامانی خێزانەکە هەڵگرتووە، وەک چاودێریکردنی دایکە پەککەوتووەکەیەوە، خزمەتکردنی برا ستەمکارەکانی و چاودێریکردنی خوشکەکانی و ...هتد.

 

ژیانی سومەیە دەگۆڕێت کاتێک ژیانی هاوژینی پێکدەهێنێت لەگەڵ پیاوێکی دەوڵەمەندی ئەفغانی کە سێ ژنی هەیە، سومەیە ڕازی دەبێت هاوسەرگیری لەگەڵ بکات بە ئامانجی یارمەتیدانی خێزانەکەی لە ڕووی داراییەوە و ڕزگارکردنی بارگرانییەکەی.

 

سومەیە لەژێر دەسەڵاتی پیاوێکی ناڕەوا و ستەمکاردا ژیانێکی بێ ئیرەیی دەژی، هەوڵیدا چارەسەرێک بدۆزێتەوە، یاخود خۆی لەگەڵ ژیانە نوێیەکەیدا بگونجێنێت، بەڵام نەیتوانی، بۆیە گەڕانەوەی بۆ خێزانەکەی هەڵبژارد کە بەدەست بارودۆخێکی خراپەوە دەناڵێنن.

 

فیلمەکە چەندین کێشەی کۆمەڵایەتی خستەڕوو کە ڕەنگدانەوەی ئاستی دابەزین و سەختییەکانی ژیان لە ناوخۆی ئێراندا نیشاندەدات، ناوی فیلمەکە لەو سزایەوە وەرگیراوە کە دادوەر سزای هەتاهەتایی و ڕۆژێک بەسەر تاوانباردا دەسەپێنێت، بەو واتایەی کە تا ئەو کاتەی دەمرێت لە زینداندا دەمێنێتەوە و دوای مردنی، ڕۆژێک دەمێنێتەوە پێش ئەوەی بنێژرێت، وەک ئەوەی ژیان لە ئێراندا زیندانیکردن بۆ هەتا هەتایە و ڕۆژێکیش بە مردووی دەبێ ژن بمێنێتەوە، کە ئازارەکانیان تەنانەت دوای مردنیشیان کۆتایی نایەت.

​