پەریسا ئاڵتوونی لە ڕۆژهەڵاتی کوردستانەوە بۆ کارکردن لە کارگەیەکی شیرینی ماوەی چوار ساڵە لەگەڵ هاوژینەکەی هاتووەتە شارۆچکەی سەیدسادق.

 

ئاسودە محەمەد

شارەزوور- پەریسا ئاڵتوونی، خاوەن بیرۆکەی دروستکردنی شیرینی ئێرانی و ڕۆژهەڵاتی کوردستانیی بوو لە شارۆچکەی سەیدسادقدا، سەرەتادا بیرۆکەکە تازەبوو بەڵام لەلایەن هاوڵاتیانەوە پێشوازی گەرمیلێکراو ئێستە خاوەن کڕیارێکی زۆرە.

 

پەریسا سەرکەوتنی کارگەکەیان بۆ سەلیقەی ژن و گرنگیدان بە تام و تازەیی دەگەڕێنێتەوە و دڵخۆشە بە ڕازیبوونی کڕیارەکانی لە کارەکەی.

 

گەرچی دەستپێکی کارەکەی وەک ژنێک قورسبوو، بەڵام پەریسا لەگەڵ سەختییەکان جەنگا و ئێستا یەکەمین ناونیشانی شیرینی سەیدسادق ئەو کارگەیەیە، لە کارگەکەشدا جگە لە کێک و هەبوونی چەند شیرینیەکی جیاواز، کەرەستەی بۆنەکانی وەک ڕۆژی لەدایکبوون و دیاری لە کارگەکەدا هەیە و بەخواستی کڕیارەکان کێکەکان دروست دەکرێن.

 

لە کۆتایدا پەریسا دڵخۆشی خۆی بە کارەکەی دەربڕی و داوای لە ژنان کرد "ببنە خاوەنکاری خۆیان تا لە هەستی سەرکەوتن بێ بەش نەبن."

 

ت.پ