نەتەوە یەکگرتووەکان نیگەرانە لە پێشێلکارییەکانی دژی ڕۆژنامەنووسانی ئێرانی لە تاراوگە
مای ساتۆ، ڕاپۆرتدەری تایبەتی نەتەوە یەکگرتووەکان بۆ مافەکانی مرۆڤ لە ئێران، نیگەرانیی خۆی لە پەرەسەندنی پێشێلکاری و سەرکوتکارییەکانی دەسەڵاتدارانی ئێران لە دژی ڕۆژنامەنووسانی ئێرانی لە دەربەدەری و بنەماڵەکانیان دەربڕی.
ناوەندی هەواڵ
لە نێوان پەرەسەندنی سەرکوتکردن لە دژی ڕۆژنامەنووسانی ئێرانی لە دەربەدەریدا، نیگەرانییە نێودەوڵەتییەکان لە سەر ئازادی ڕادەربڕین، بە ئامانجگرتنی پیشەگەرەکانی ڕاگەیاندن کە هەوڵدەدەن ڕاستییەکان لە دەرەوەی دەستی دەسەڵاتدا بگەیەنن، لە هەوڵێکدا بۆ بێدەنگکردنی دەنگی ڕەخنەگرانیان و تێکدانی ئازادی ڕۆژنامەگەری، پەرەدەستێنێت.
ڕۆژی ٩ی حوزەیران، مای ساتۆ، ڕاپۆرتدەری تایبەتی ڕێکخراوی نەتەوە یەکگرتووەکان بۆ مافەکانی مرۆڤ لە ئێران، نیگەرانیی خۆی لە شەپۆلی نوێی سەرکوتی دەسەڵاتدارانی ئێران لە دژی ڕۆژنامەنووسانی ئێرانی دەربەدەر و بنەماڵەکانیان دەربڕی، داوای لە کۆمەڵگەی نێودەوڵەتی کرد کە ڕێوشوێنی بەپەلە بۆ پشتیوانی و پاراستنی ئەو کەسانە بگرنەبەر.
بەپێی ڕاپۆرتێک کە لەسەر پرۆژەی ڕاپۆرتکردنی تاوان و گەندەڵی ڕێکخراو "OCCRP" بڵاوکراوەتەوە، دەسەڵاتدارانی ئێران خولێکی نوێی هەڕەشە و تۆقاندن و فشاریان لە دژی ڕۆژنامەنووسانی نیشتەجێی دەرەوەی وڵات و کەسوکارەکانیان لە ناوخۆی ئێران دەستپێکردووە. ئەم ڕێوشوێنانە بە ئامانجی بێدەنگکردنی ڕەخنەگران و بەرتەسککردنەوەی ئازادی ڕادەربڕین.
مای ساتۆ لە ڕێگەی هەژماری فەرمی خۆی لە تۆڕیکۆمەلایەتی، داوای لە کۆمەڵگەی نێودەوڵەتی کرد کە بەپەلە هەنگاو بنێن بۆ پاڵپشتی و پاراستنی ئەو کەسانە.