Navenda Nûçeyan – Sendîkaya Rojnamevanên Filistînê, di daxuyaniya xwe ya nivîskî de diyar kir ku li Şerîa Rojava binpêkirin û êrîşên li dijî rojnamevanên Filistînî zêde bûye û bicîhanîna pîşeya rojnamevaniyê tê asteng kirin.

Di daxuyaniyê de hate diyar kirin ku Îsraîliyan di binpêkirin û êrîşên li gelek herêmên Şerîa Rojava de "rola sereke dilîzin". Di meha Mijdarê binpêkirin û êrîşên mîna birîndarbûna du rojnamevan a bi guleyên rast, 22 êrîşên Îsraîlê, astengkirina şopandina bûyeran, lêdana bi daran, kevir avêtin û gefên bi çekan hate jiyîn.

Ji bo saziyên navneteweyî bang

Di daxuyaniyê de, hate destnîşan kirin ku 16 rojnamevanên Filistînî hatine binçavkirin an jî bicîhanîna pîşeya wan hatine astengkirin û Îsraîliyan bi taybetî li herêma Hebron a Şerîa Rojava zirar dane wesayîtên rojnamevanan an jî desteser kirine. Di daxuyaniyê de bang li civaka navneteweyî hat kirin ku ji bo rawestandina êrîşên hêzên Îsraîlî û parastina navneteweyîya rojnamevanên li qadê dixebitin, zextê zêde bike.